已於今日10月13日假銅鑼灣糖街Neway CEO順利舉行。Soler以一身黑色皮褸、白色緊身背心出場，司儀即場宣佈將於今年11月23及24日，在九龍灣國際展貿中心Star Hall舉行由bma、Johnnie Walker Black Label黑牌威士忌同Neway主辦【JOHNNIE WALKER BLACK LABEL SOLER FREE TO ROCK演唱會】，Soler表演興奮說：「好開心加入bma不久就可以舉行自己嘅個人演會，最重要係可以喺香港舉行，因為我哋之前嘅一兩年都不斷喺台灣、內地及馬來西亞等地方演出及宣傳，今次可以喺Star Hall舉行，我哋真係好期待、希望香港嘅觀眾無忘記我哋，同我哋一齊參與呢個咁FREE TO ROCK演唱會。」

　　司儀表示Soler演唱會海報一出令歌迷及女士們嘩然Soler身型甚FIT，所以即場邀請兩位性感ROCK女出場考考Soler，示範舉啞鈴及掌上壓，Soler便除去黑色皮褸露出強勁手臂，做出數十吓啞鈴及掌上壓動作，顯示長期運動成果，Soler說：「頭先個幾十吓小兒科啦，平時每日都會跑步及游水，所以keep住個身型都有番咁上下。」唱片公司更準備了兩份禮物「琵琶及古箏」送給Soler，希望Soler可以在音樂創作上有更多靈感，將更多原素放在音樂上，帶更多好音樂給樂迷。

　　唱片公司更特別為Soler請來音樂字典黃志淙為今次演唱會擔任監製，Soler開心地表示：「好期待今次嘅合作，我哋相信呢個演唱會會有好多意想不到嘅火花。今次演唱會會以搖滾為主題，除咗我哋之外，都會邀請一些海外及香港的樂隊擔任嘉賓，希望歌迷能從新重視搖滾音樂。」當司儀問Soler在演唱會上會否作性感演出時，Soler謂看看現場反應才決定性感多少，不過當然以音樂為重點！